საჯარო გაცნობისთვის ქვეყნდება საბაუნის ეთიკისა და ქცევის კოდექსი, რომლის ნახვა შეგიძლიათ დასახელებულ ბმულზე.

სულხან-საბა ორბელიანის უნივერსიტეტის ეთიკისა და ქცევის კოდექსი

 

სრულად
კარდინალი პიეტრო პაროლინის ვიზიტი

29 დეკემბერს სულხან-საბა ორბელიანის უნივერსიტეტს წმინდა საყდრის სახელმწიფო მდივანი, კარდინალი პიეტრო პაროლინი ეწვია, რომელთან შეხვედრას ესწრებოდნენ საბაუნის პროფესორ-მასწავლებლები, სტუდენტები და ადმინისტრაციული პერსონალი.

 საპატიო სტუმარს მიესალმა უნივერსიტეტის დამფუძნებელი, ლათინ კათოლიკეთა სამოციქულო ადმინისტრატორი, მეუფე ჯუზეპე პაზოტო, რომელმაც მოკლედ ისაუბრა უნივერსიტეტის როლზე და საქმიანობაზე „უნივერსიტეტი, ეს არის ჩვენთვის ერთ-ერთი უდიდესი საგანძური, რომელიც ჩემი, როგორც დამფუძნებლის თვალთახედვით, უნდა იყოს ადგილი თავისუფალი აზრის, თანაზიარების და  კულტურათა შორის ხიდის აგებისა“ -აღნიშნა დამფუძნებელმა და სიტყვა გადასცა უნივერსიტეტის რექტორს.

 პროფ. ვაჟა ვარდიძემ მადლობა გადაუხადა სტუმარს გადატვირთული დღის წესრიგის მიუხედავად უნივერსიტეტში მობრძანებისათვის, „თქვენი მობრძანება განსაკუთრებული მოვლენაა ჩვენთვის, რაც გვეხმარება უკეთ გავიაზროთ  ჩვენი გამორჩეულობა და განსაკუთრებული პასუხიმგებლობა“. თავის სიტყვაში რექტორმა რეგიონში უნივერსიტეტის მნიშვნელობაზე ისაუბრა და გამოყო ოთხი განზომილება, რომელშიც უნივერსიტეტი საკუთარ მისიასა და მნიშვნელობას იცნობიერებს, ესენია: ევროპულ ოჯახში საქართველოს დაბრუნებისაკენ სწრაფვა, ათეისტური საბჭოთა კავშირის მძიმე მემკვიდრეობა, ამ საბჭოთა პერიოდის შემდეგ, მართლმადიდებელი ეკლესიისათვის დახმარება, თანადგომა და კათოლიკე ეკლესიასთან ურთიერთობა და მეოთხე, ჩვენი, კათოლიკე ეკლესიისათვის თვითდამკვიდრება და იდენტობის განსაზღვრა. „ჩვენი უნივერსიტეტი ცდილობს თავისი წვლილი შეიტანოს საქართველოს ევროპულ ოჯახში დაბრუნების საქმეში სწორედ ქართული და ევროპული აკადემიური სივრცეების დაახლოებით და ამ ქვეყნისათვის კათოლიკე ეკლესიის საუნივერსიტეტო გამოცდილების შუამდგომლობით. (...)  ეს ყველაფერი რთული და საინტერესო გზაა, რადგან ამ გზაზე მრავლის ბიოგრაფია შედგება როგორც ქრისტეს მოწმე და ქრისტეს ერთგული. ამ გზაზე ყოველი თანადგომა და მხარდაჭერა მნიშნელოვანია ჩვენთვის... თქვენი აქ მობრძანებაც ერთგვარი გამხნევებაა და ერთიანობის მოწმობაა ჩვენთვის, რისთვისაც კიდევ ერთხელ მადლობას მოგახსენებთ. ილოცეთ ჩვენთვის!“ (რექტორის სიტყვა ვრცლად).

ქრისტიანულ კონფესიათა შორის ურთიერთობაზე და ამ დიალოგში საბაუნის როლზე გაამახვილა ყურადღება მისასალმებელ სიტყვაში ჰუმანიტარულ და სოციალურ მეცნიერებათა ფაკულტეტის დეკანმა, პროფესორმა გოჩა ბარნოვმა. „2019-2020 წლები იმდენად დატვირთულია, საქართველოსა და წმინდა საყდრის ურთიერთობების თვალსაზრისით, რომ, ცოტა არ იყოს და, მიჭირს კიდეც, რაიმე კონკრეტული მოვლენის გამოყოფა. ... ნება მიბოძეთ, მხოლოდ იმ ასპექტზე შევაჩერო თქვენი ყურადღება, რასაც, ჩემი აზრით, სულხან-საბა ორბელიანის უნივერსიტეტი დაარსების დღიდან ემსახურება და რის შედეგსაც მომავალში უკეთ ვიხილავთ.

მოგეხსენებათ, რომ მცირე ხნის წინ, სულხან-საბა ორბელიანის უნივერსიტეტის დელეგაცია მსოფლიო პატრიარქთან იმყოფებოდა. მას შემდეგ, რაც ყოვლადუწმინდეს ბართლომეოსს გავაცანით სასწავლებელში შექმნილი გარემო, ისტორია, სასწავლო გეგმა და სხვა სახის დეტალები, იგი სასიამოვნოდ გაოცებული დარჩა და აღნიშნა კიდეც, თუ როგორი მისასალმებელი და დასაფასებელია მართლმადიდებელ და კათოლიკე მორწმუნეებს, თეოლოგებსა და სტუდენტებს შორის არსებული ასეთი თბილი და პროდუქტიული გარემოს არსებობა, რაც, რა თქმა უნდა, შემთხვევითი არაა. ეს ყოველივე ცხადყოფს ჩვენი უნივერსიტეტის, როგორც კონფენსიათა შორის არსებული ერთგვარი ხიდის, მეგობრობის ნიმუშის იდეას“ აღნიშნა პროფესორმა. (პროფ. გოჩა ბარნოვის სიტყვა ვრცლად).

კარდინალმა მადლობა გადაუხადა მოწვევისათვის და მისასალმებელ სიტყვაში  უნივერსიტეტის მნიშვნელობაზე ისაუბრა. „ვფიქრობ, რომ ეს უნივერსიტეტი უნდა გახდეს დიალოგის ნამდვილი ლაბორატორია. დიალოგი ვისთან? პირველ რიგში, კულტურასთან, დიალოგი თანამედროვე კულტურასთან. (...) ჩვენ ნათლად უნდა ვაჩვენოთ გამორჩეული აკადემიურ-სამეცნიერო საქმიანობა, რომელიც ძირფესვიანად სწვდება მეცნიერულობის კრიტერიუმებს, რომ რწმენა და გონება არ ეწინააღმდეგება ერთმანეთს, ისინი არ არიან დაპირისპირებულნი. და მინდა დავასრულო ჩემი სიტყვა პაპ ბენედიქტესა და პაპ ფრანცისკეს სიტყვებით „რწმენა და მეცნიერება არის ორი ფრთა, რომლებიც გვეხმარება ჭეშმარიტების მიღწევაში... ამ უნივერსიტეტმა (საბაუნიმ) უნდა გააგრძელოს დამაკავშირებელი ხიდის ფუნქცია კულტურათა შორის დიალოგში“- დასძინა წმ. საყდრის სახელმწიფო მდივანმა და მსმენელებს პაპი ფრანცისკეს საშობაო მილოცვა და კურთხევა გადასცა. (კარდინალის სიტყვა ვრცლად)

 

დასასრულს უნივერსიტეტის რექტორმა და წმ. საყდრის სახელმწიფო მდივანმა სამახსოვრო საჩუქრები გაცვალეს.

შეხვედრის მსვლელობისას საბაუნის ფოლკლორულმა გუნდმა შეასრულა ტრადიციული ქართული საშობაო საგალობელი.

სრულად
სასწავლო ვიზიტი საქართველოს სააპელაციო სასამართლოში

სამართლის I, III და IV კურსის სტუდენტები სასწავლო ვიზიტით იმყოფებოდნენ თბილისის სააპელაციო სასამართლოში. მათ მოისმინეს ინფორმაცია სასამართლო სისტემის, მისი ფუნქციებისა და მოსამართლის როლის შესახებ.  გაეცნენ სააპელაციო სასამართლოს საქმიანობის სპეციფიკას.

დაათვალიერეს სასამართლო სხდომის დარბაზები და  გადაიღეს სამახსოვრო ფოტოები. შეხვედრა კითხვა-პასუხის რეჟიმში წარიმართა.

სრულად
საბაუნის ამერიკული სამართლისა და სამართლის ფილოსოფიის ცენტრის ორგანიზებით 26 დეკემბერს მესამე ეროვნული კონფერენცია გაიმართა თემაზე - „რთული შემთხვევები სასამართლო პრაქტიკაში“.
 
კონფერენციაზე წარმოდგენილი იყო საქართველოს, ამერიკის შეერთებული შტატებისა და გაერიანებული სამეფოს სხვადასხვა სასამართლო გადაწყვეტილების შესახებ მოხსენებები, რომლებიც საბაუნის სტუდენტებმა, პროფესორებმა და კურსდამთავრებულებმა წარმოადგინეს.
სრულად
შეხვედრა სკოლის მასწავლებლებთან

საბაუნის პრორექტორმა, პროფესორმა დიმიტრი გეგენავამ ტრენინგი ჩაუტარა სამოქალაქო განათლების პედაგოგებს. შეხვედრა ეხებოდა კონსტიტუციას, მასში შემავალ ცვლილებებსა და კომენტარებს. შეხვედრა კითხვა-პასუხის რეჟიმში გაიმართა. 

სრულად
სემინარი ინდუსტრიული განვითარების მნიშვნელობის შესახებ

21 დეკემბერს საბაუნის ბიზნესისა და ტურიზმის ფაკულტეტისა და განვითარების კვლევების ინსტიტუტის ორგანიზებით განვითარების სამეცნიერო-პრაქტიკული სემინარი ჩატარდა: ერიკ რეინერტი - ინდუსტრიული განვითარების მნიშვნელობის შესახებ.

სემინარს უძღვებოდნენ ივანე ჯავახიშვილის სახელობის თბილისის სახელმწიფო უნივერსიტეტის პროფესორი გია ჟორჟოლიანი და ასოცირებული პროფესორი ეკა ლეკაშვილი
სემინარი იმართება ინსტიტუტის განვითარების სემინარების ციკლის ფარგლებში.

სრულად

2019 წლის 08 ნოემბრის №159-19 ბრძანებით აკადემიური თანამდებობის დასაკავებლად გამოცხადებული ღია კონკურსის ჩატარების მიზნით შექმნილი დროებითი საკონკურსო კომისიის (ბრძ. №173-19; 13.12.2019; ოქმი №01-19; 16.12.2019), გადაწყვეტილების საფუძველზე, უნივერსიტეტის რექტორის 2019 წლის 16 დეკემბრის №175 -19 ბრძანებით დაინიშნოს აკადემიურ თანამდებობაზე:

1. შორენა ფარჯიანი – არჩეულ იქნას ბიზნესისა და ტურიზმის ფაკულტეტის ასოცირებული პროფესორის აკადემიურ თანამდებობაზე სტატისტიკის მიმართულებით;

სრულად

2019 წლის 04 ნოემბრის №155-19 ბრძანებით აკადემიური თანამდებობის დასაკავებლად გამოცხადებული ღია კონკურსის ჩატარების მიზნით შექმნილი დროებითი საკონკურსო კომისიის (ბრძ. №170-19; 11.12.2019; ოქმი №01-19; 13.12.2019), გადაწყვეტილების საფუძველზე, უნივერსიტეტის რექტორის 2019 წლის 13 დეკემბრის №172 -19 ბრძანებით დაინიშნონ აკადემიურ თანამდებობაზე:

1. დიმიტრი გეგენავა არჩეულ იქნა სამართლის ფაკულტეტის პროფესორის აკადემიურ თანამდებობაზე სამართლის მეთოდებისა და სამართლის ფილოსოფიის მიმართულებით, აფილირების პიროპბით;

2. გიორგი გორაძე – არჩეულ იქნა სამართლის ფაკულტეტის პროფესორის აკადემიურ თანამდებობაზე საკონსტიტუციო სამართლის მიმართულებით, აფილირების პირობით;

3. გვანცა გუგეშაშვილი – არჩეულ იქნა სამართლის ფაკულტეტის ასოცირებული პროფესორის აკადემიურ თანამდებობაზე ინტელექტუალური საკუთრების სამართლის მიმართულებით, აფილირების პირობით;
4. ეკა დარბაიძე – არჩეულ იქნა ჰუმანიტარულ და სოციალურ მეცნიერებათა ფაკულტეტის ასოცირებული პროფესორის აკადემიურ თანამდებობაზე შედარებითი პოლიტიკის მიმართულებით;

5. მაია მანჩხაშვილი – არჩეულ იქნა ჰუმანიტარულ და სოციალურ მეცნიერებათა ფაკულტეტის ასოცირებული პროფესორის აკადემიურ თანამდებობაზე სამხრეთ კავკასიის პოლიტიკური კვლევების მიმართულებით;

6. ფიქრია თათარაშვილი – არჩეულ იქნა სამართლის ფაკულტეტის ასისტენტის აკადემიურ თანამდებობაზე საგადასახადო სამართლის მიმართულებით, აფილირების პირობით;

სრულად
საჯარო ლექცია თემაზე - ,,გენოციდი: The Crime of Crimes"

2019 წლის 9 დეკემბერს, სულხან-საბა ორბელიანის უნივერსიტეტის/საბაუნის სამართლის ფაკულტეტისა და სამოქალაქო განათლების ცენტრის ორგანიზებით, უნივერსიტეტის სტუდენტთათვის გაიმართა საჯარო ლექცია თემაზე - ,,გენოციდი: The Crime of Crimes". 

სრულად

 

სამართლის ფაკულტეტი - ბაკალავრი

სახელი, გვარი   სტიპენდიის სახე
რუსუდან ლაგაზაშვილი   სულხან-საბა ორბელიანის სტიპენდია-125 ლ
არგანაშვილი ანა   ფაკულტეტის სტიპენდია-75 ლ
ელენე ჯოხიძე   ფაკულტეტის სტიპენდია-75 ლ
ვიკა გაბუნია   ფაკულტეტის სტიპენდია- 75 ლ
მაისურაძე ხატია   ფაკულტეტის სტიპენდია-75 ლ
ხვიჩია გიგა   ფაკულტეტის სტიპენდია-75 ლ
მაგდალინა მანუკიანი   ფაკულტეტის სტიპენდია-75 ლ
ელენე კასრელიშვილი   ფაკულტეტის სტიპენდია-75 ლ
ხაფავა ხატია   ფაკულტეტის სტიპენდია-75 ლ

სამართლის ფაკულტეტი - მაგისტრატურა 

მედეა სულაქველიძე   ფაკულტეტის სტიპენდია-75 ლ
სოფიო აფრიამაშვილი   ფაკულტეტის სტიპენდია-75 ლ

ბიზნესისა და ტურიზმის ფაკულტეტი

თათია მდივანი   საბას სტიპენდია - 125 ლარი
ლუკა ალავიძე   ბაზის ბანკი - 100 ლარი
მელანო ბერიძე   ბაზის ბანკი - 100 ლარი
ლარისა ჭკადუა   ბაზის ბანკი - 100 ლარი
ქრისტინა ქალდანი   ბაზის ბანკი - 100 ლარი
თეონა ნეფარიძე   ბაზის ბანკი - 100 ლარი
ელენე ქრისტესაშვილი   ფაკულტეტის სტიპენდია - 75 ლარი
სოფიო ავაქიან   ფაკულტეტის სტიპენდია - 75 ლარი
ნესტანი კაპანაძე   ფაკულტეტის სტიპენდია - 75 ლარი

ჰუმანიტარულ და სოციალურ მეცნიერებათა ფაკულტეტი

  • ზურაბი გუნაშვილი საერთაშორისო ურთიერთობების საბაკალავრო პროგრამა - სულხან-საბა ორბელიანის სახელობის სტიპენდია - 125 ლარი
  • მარი დოღონაძე თეოლოგიის საბაკალავრო პროგრამა - საფაკულტეტო სტიპენდია - 75 ლარი
  • თეონა ტურაშვილი საერთაშორისო ურთიერთობების საბაკალავრო პროგრამა - საფაკულტეტო სტიპენდია - 75 ლარი
სრულად

რჩეული სიახლეები

ხუთშაბათი, 28 ნოემბერი 2019
ხუთშაბათი, 02 მაისი 2019
პარასკევი, 16 ნოემბერი 2018
პარასკევი, 12 იანვარი 2018