საბაუნის ლექტორები ვიშეგრადის ქვეყნების სამართლის სკოლათა პირველ საერთაშორისო კონფერენციაზე

სულხან-საბა ორბელიანის უნივერსიტეტია ვიცე-რექტორი, ასოცირებული პროფესორი დიმიტრი გეგენავა და ასოცირებული პროფესორი გიორგი გორაძე მონაწილეობას იღებენ ვიშეგრადის ქვეყნების სამართლის სკოლათა პირველ საერთაშორისო კონფერენციაში, რომელიც ბუდაპეშტში მიმდინარეობს.

კონფერენციაში ათამდე ქვეყნის უნივერსიტეტების წარმომადგენლები მონაწილეობენ და წარმოადგენენ მოხსენებებს სამართლის სხვადასხვა მიმართულებით.

საბაუნის პროფესორები 1 ივნისს წარდგნენ მოხსენებებით საკონსტიტიტუციო სამართლის სექციაში.

სრულად

საბაუნის ბიზნესის და ტურიზმის ფაკულტეტის ორმა სტუდენტმა, ანი გავაშელმა და ხათუნა მხოიანმა Erasmus+ KA 107 ICM  სტიპენდიანტები მოიპოვეს. ისინი 2018-2019 წლის გაზაფხულის სემესტრს გაივლიან ესპანეთში, ვალადოლიდის უნივერსიტეტში.

Erasmus+ ევროკომისიის მიერ დაფინანსებული პროგრამაა, რომელიც სრულად აფინანსებს სტუდენტის მგზავრობის და ცხოვრების ხარჯებს უცხოეთში.

სრულად
კერძო უმაღლესი სასწავლებლების ასოციაციის საბჭოს II სხდომა

2018 წლის 30 მაისს კერძო უმაღლესი სასწავლებლების ასოციაციის მეორე მმართელი საბჭოს სხდომა შედგა, რომელიც საბაუნიში ჩატარდა.

სხდომას განათლების ხარისხის განვითარების ეროვნული ცენტრის დირექტორი თამარ სანიკიძე ესწრებოდა.

სხდომაზე განიხილეს ისეთი მნიშვნელოვანი საკითხები როგორიცაა დისტანციური სწავლება, აღიარების პროცედურები,ხარისხის უზრუნველყოფის ახალი მექანიზმები და უმაღლესი საგანმანათლებლო დაწესებულებების საავტორიზაციო პროცესი, რომელიც დაიწყო განახლებული სტანდარტებითა და პროცედურებით.

შეხვედრაზე წევრი უნივერსიტეტების რექტორებმა ხელი მოაწერეს მემორანდუმს ურთიერთთანამშრომლობის შესახებ.

განათლების ხარისხის განვითარების ეროვნული ცენტრის დირექტორი თამარ სანიკიძისა და საბაუნის რექტორის ვაჟა ვარდიძის კომენტარი საბჭდოს სხდომასთან დაკავშირებით. 

სრულად
საერთაშორისო კონფერენცია: „სამართალი და გლობალური უსაფრთხოება"

2018 წლის 29 მაისს სულხან-საბა ორბელიანის უნივერსიტეტში ჩატარდა საერთაშორისო კონფერენცია თემაზე: „სამართალი და გლობალური უსაფრთხოება“, რომელიც ეძღვნებოდა საქართველოს დამოუკიდებლობის 100 წლის იუბილეს.

კონფერენციაზე წარმოდგენილი მოხსენებები ეხებოდა საქართველო-რუსეთის ომის, საერთაშორისო უსაფრთხოების, ნარკოტრაფიკის, ორგანოებით ვაჭრობის, ტერორიზმისა და უსაფრთხოების კონტექსტში გამოხატვის თავისუფლების შეზღუდვის საკითხებს.

მომხსენებლები იყვნენ როგორც ქართველი ასევე უცხოელი სტუმრები. კონფერენცია გახსნა საბაუნის რექტორმა ბატონმა ვაჟა ვარდიძემ.

სრულად
საბაუნი FUCE წევრია

სულხან-საბა ორბელიანის უნივერსიტეტი გაწევრიანდა ევროპის კათოლიკური უნივერსიტეტების ფედერაციაში (FUCE).
ეს არის კიდევ უფრო მეტი შესაძლებლობა, მეტი პერსპექტივა და საშუალება სტუდენტებისთვის - ისწავლონ ევროპის წამყვან უნივერსიტეტებში, მონაწილეობა მიიღონ საერთაშორისო კონფერენციებზე და ფორუმებზე.

FUCE - არის ევროპის კათოლიკური უნივერსიტეტების ფედერაცია, რომელიც აერთიანებს 60 კათოლიკურ უნივერსიტეტსა და უმაღლეს სასწავლებელს მსოფლიოს მაშტაბით. მისი მთავარი ფუნქციაა აკადემიურ სფეროში თანამშრომლობისა და განვითარების ხელშეწყობა, გამოცდილების გაზიარება.
ამასთან დაკავშირებით საბაუნის რექტორი და ადმინისტრაციის წევრები იმყოფებოდნენ პოლონეთში, ქალაქ ლუბლინში, სადაც ისაუბრეს საბაუნის როლზე, მის სამომავლო გეგმებზე და პერსპექტივებზე.

ვიზიტის დეტალები: 

სრულად

2018 წლის 21-25 მაისს, სულხან-საბა ორბელიანის უნივერსიტეტში Erasmus+ KA107 პროგრამით იმყოფებოდნენ ლუბლინის მეწარმეობისა და ადმინისტრირების უნივერსიტეტის (WSPA) კანცლერი, ქალბატონი ელვირა პშიბივსკა და საერთაშორისო ურთიერთობების განყოფილების თანამშრომელი, ქალბატონი მალგორცატა ოზელი.

სტუმრებმა შეხვედრები გამართეს უნივერსიტეტის რექტორთან, პროფ. ვაჟა ვარდიძესთან, პრორექტორთან, პროფ. დიმიტრი გეგენავასთან და ბიზნესისა და ტურიზმის ფაკულტეტის დეკანთან, ბ-ნ გიორგი მიქანაძესთან. შეხედვრაზე მხარეებმა ისაუბრეს თანამშრომლობის გაღრმავების გზებსა და შესაძლებლობებზე. დაიგეგმა სამომავლო ერთობლივი პროექტები და სტუდენტთა გაცვლითი პროგრამები.

ვიზიტის ფარგლებში 23 მაისს პოლონელი სტუმრები შეხვდნენ საბაუნის ბიზნესის ფაკულტეტის სტუდენტებს, სადაც ისაუბრეს მშობლიურ უნივერსიტეტზე და სტუდენტებს გააცნეს WSPA სპეციალური შეთავაზებები.

საბაუნი და WSPA Erasmus+ Ka107 პროექტის ფარგლებში 2016-2017 სასწავლო წლიდან თანამშრომლობენ; მიმდინარე წლის მარტში საბაუნის ბიზნესისა და ტურიზმის ფაკულტეტის დეკანი, გიორგი მიქანაძე მობილობის პროგრამით იმყოფებოდა ლუბლინის უნივერსიტეტში.

სრულად
საერთაშორისო კონფერენციას თემაზე: პოსტსაბჭოთა ქვეყნები - გამოწვევები, პერსპექტივები

2018 წლის 19 მაისს, სულხან-საბა ორბელიანის უნივერსიტეტის პოსტსაბჭოთა კვლევების ინსტიტუტმა (IPSS) უმასპინძლა საქართველოს დამოუკიდებლობის 100 წლის იუბილისადმი მიძღვნილ საერთაშორისო კონფერენციას თემაზე: პოსტსაბჭოთა ქვეყნები - გამოწვევები, პერსპექტივები. კონფერენცია გახსნეს სულხან-საბა ორბელიანის უნივერსიტეტის რექტორმა, ბატონმა ვაჟა ვარდიძემ, პოსტსაბჭოთა კვლევების ინსტიტუტის დირექტორმა ქალბატონმა გვანცა აბდალაძემ და კონფერენციის სპეციალურმა სტუმარმა, ევროპარლამენტის წევრმა ბატონმა იან ოლბრიხტმა. კონფერენცია მოიცავდა 4 პანელს აკადემიური პერსონალისა და საჯარო მოხელეების მონაწილეობით და 2 ახალგაზრდულ პანელს სტუდენტებისა და ახალგაზრდა მკვლევარებისთვის. კონფერენციაში მონაწილეობდნენ საქართველოს, პოლონეთის, უკრაინის, სომხეთის წარმომადგენლები.

სრულად
საბაუნის პროფესორი აკადემიური მობილობით KUL ში

მიმდინარე წლის 14-18 მაისს, საბაუნის სამართლის ფაკულტეტის აფილირებული პროფესორი, ნაზიბროლა ჩინჩალაძე Erasmus+ პერსონალის მობილობით იმყოფებოდა  იოანე პავლე მეორის ლუბლინის კათოლიკურ უნივერსიტეტში (KUL), რომელმაც ერთი კვირის განმავლობაში პოლონელი სტუდენტებისათვის ჩაატარა ლექციები საერთაშორისო სამართლის მიმართულებით.

“ჩემთვის როგორც პროფესორისათვის Erasmus+ დაფინანსებით და საბაუნის წარდგინებით ორგანიზებული ერთკვირიანი სამუშაო ვიზიტი ქალაქ ლუბლინის იოანე პავლე მეორის კათოლიკურ უნივერსიტეტში იყო საინტერესო და ნაყოფიერი. მომეცა შესაძლებლობა წამეკითხა ლექციები რამოდენიმე თემაზე. განსაკუთრებით საინტერესო გამოვიდა საერთაშორისო ურთიერთობების ფაკულტეტის სტუდენტებთან ლექცია ეფექტური ოკუპაციის პოლიტიკის თემაზე. აუდიტორიაში ბევრი უკრაინელი სტუდენტი იყო, ამდენად, ჩვენ შევადარეთ საქართველოსა და უკრაინის ოკუპაციის მოვლენები და შევეცადეთ პასუხი გაგვეცა შეკითხვებზე, რომლებზეც ძნელია პასუხის გაცემა. სტუდენტების მიერ დასმული იყო შინაარსიანი და რეალური შეკითხვები ამ მიმართებით. აუდიტორიაში შევთანხმდით იმაზე, რომ ეს არის ძალის პრობლემა და ასევე საზოგადოების დაუდევრობისაც. შეხვედრებმა პოლონელ კოლეგებთან პროფესორ ვოიცეხ სტაშევსკისთან, პროფესორ კინგა სტასიაკთან და პროფესორ სვენსონთან სხვა მხრიდან დამანახა ჩემი მიდგომები გარკვეული საკითხებისადმი.  ასეთი ვიზიტები, ვფიქრობ, ძალიან სასარგებლოა როგორც პროფესორის, ისე სტუდენტებისათვის”- საბაუნის ასოცირებული პროფესორი, სამართლის დოქტორი ნაზიბროლა ჩინჩალაძე.

ქალბატონი ნაზიბროლას ლექციებს ასევე ესწრებოდნენ KUL-ში სასწავლებლად წასული საბაუნის სტუდენტები, მაკა მოქია და ჯუნა ირიაული.

საბაუნი იოანე პავლე მეორის ლუბლინის კათოლიკურ უნივერსიტეტთან Erasmus+ მობილობის პროექტებს 2015-2016 სასწავლო წლიდან წარმატებით ახორციელებს.

სრულად

სულხან-საბა ორბელიანის უნივერსიტეტი გახდა მსოფლიოს კათოლიკური უნივერსიტეტების ფედერაციის (IFCU) სრულუფლებიანი წევრი უნივერსიტეტი, რომლის შესახებ გადაწყვეტილება მიღებულ იქნა ფედერაციის გენერალურ ასამბლეაზე, რომელიც გაიმართა მიმდინარე წლის მარტში, ფილიპინების დედაქალაქ მანილაში.  ფედერაციის წევრობა საბაუნისათვის წინ გადადგმული ნაბიჯი და ღია კარია მსოფლიოს სხვადასხვა უნივერსიტეტებთან თანამშრომლობისათვის.

ფედერაცია დაარსდა 1924 წელს და დღეს მასში გაწევრიანებულია 227 უნივერსიტეტი მსოფლიოს სხვადასხვა ქვეყნიდან (ექვსი კონტინენტიდან).

IFCU -ს აქვს კონსულტანტის სტატუსი გაეროში (ნიუ იორკი), UNESCO ში (პარიზი) და ევროკავშირში (სტრასბურგი). გარდა ამისა, ფედერაციას თავისი წარმომადგენლობა ყავს გაეროს ეკონომიკურ და სოციალურ საბჭოში (ECOSOC) (ვენა), ჟენევის ადამიანის უფლებათა კომისიაში და გაეროს ნარკოტიკებისა და კრიმინალის ოფისში (UNODC) (ვენა).

სრულად

პირველი მაისიდან „თამბაქოს კონტროლის შესახებ" კანონი ძალაში შევა. ამ კანონის მიხედვით თამბაქოს მოწევა სხვადასხვა ტიპის დაწესებულებებში აიკრძალება.

თამბაქოს მოწევა აკრძალულია სულხან-საბა ორბელიანის უნივერსიტეტის მთელ ტერიტორიაზე.

დადგენილი წესის დამრღვევ პირს მიეცემა გაფრთხილება და შემდგომ დაჯარიმდება.

სრულად

რჩეული სიახლეები

პარასკევი, 16 ნოემბერი 2018
პარასკევი, 12 იანვარი 2018
ხუთშაბათი, 21 დეკემბერი 2017
სამშაბათი, 17 ოქტომბერი 2017
სამშაბათი, 17 ოქტომბერი 2017