საჯარო ლექცია თემაზე: სექსუალური ძალადობა არასრულწლოვნებზე და მოწყვლად ადამიანებზე

2016 წლის 25 მაისს, საბაუნის საკონფერენციო დარბაზში გაიმართა საჯარო ლექცია-დისკუსია თემაზე: „სექსუალური ძალადობა არასრულწლოვნებზე და მოწყვლად ადამიანებზე“. ღონისძიებას უძღვებოდა რომის გრიგორიანას უნივერსიტეტის ფსიქოლოგიის ფაკულტეტის დოქტორანტი, ედვარდ გოგილაშვილი. ლექციაზე ისაუბრეს სექსუალური ძალადობის შედეგებსა და საზოგადოების აზრის მნიშვნელობაზე ამ თემის კვლევისას. მოხსენებამ სტუდენტების დიდი დაინტერესება გამოიწვია. შეხვედრა კითხვა-პასუხის რეჟიმში გაგრძელდა.

სრულად
სასწავლო ვიზიტი იუსტიციის სახლში

2016 წლის 27 მაისს, გაიმართა სულხან-საბა ორბელიანის სასწავლო უნივერსიტეტის სტუდენტების ინსტიტუციური ვიზიტი იუსტიციის სასწავლო ცენტრში. ვიზიტის ფარგლებში სტუდენტებს გააცნეს იუსტიციის სასწავლო ცენტრისა და საქართველოს საკანონმდებლო მაცნის საქმიანობის სპეციფიკა, განხორციელებული პროექტები, ასევე, ნორმატიული აქტების მომზადების, ექსპერტიზის, რეგისტრაციისა და გამოქვეყნების თავისებურებები.
პრეზენტაციების შემდეგ სტუდენტებს ჩაუტარდათ მასტერკლასი თემაზე: „პრეზენტაციის უნარ-ჩვევები“. მასტერკლასს უძღვებოდა იუსტიციის სასწავლო ცენტრის პირველი რანგის ტრენერი ცვატა ბერძენიშვილი. ინსტიტუციური ვიზიტის დასრულებისას მონაწილეებს გადაეცათ სერთიფიკატები.

სრულად
იმიტირებული პროცესი სისხლის სამართალში

2016 წლის 15 მაისს, საბაუნიში ჩატარდა სტუდენტური პროექტების კონკურსში გამარჯვებული ერთ-ერთი პროექტის „რიგით პირველი შეჯიბრი იმიტირებულ პროცესში სისხლის სამართლის მიმართულებით“ პირველი ტური, სადაც ერთმანეთს ოთხი გუნდი დაუპირისპირდა: ნოდარ ბურდულისა და ჯუნა ირიაულის, პაატა მასინძელაშვილისა და ედუკი შეყილაძის გუნდები. სტუდენტები ერთი თვის განმავლობაში ემზადებოდნენ შეჯიბისთვის, რაც კარგად გამოჩნდა პროცესის მსვლელობის დროს. იმიტირებულ პროცესს ესწრებოდნენ გულშემატკივარი სტუდენტები და ადმინისტრაციის წევრები.

სრულად
სასწავლო ვიზიტი ტექნოპარკში

2016 წლის 14 მაისს საბაუნის სტუდენტები საქართველოს ინოვაციების ცენტრ ტექნოპარკს ეწვივნენ საინფორმაციო ტურით. სტუდენტებმა დაათვალიერეს აქ განთავსებული სამრეწველო ინოვაციების ლაბორატორიები (FAB LAB), საერთაშორისო კომპანიების (Samsung, Cisco, Hp, Intel, Epson) შოურუმები და ფუნქციური სივრცეები სატესტო აპარატურით, დამწყები კომპანიების ინკუბატორები (Start-Up ინკუბატორი), საერთო სამუშაო სივრცე (Co-Working Area).
სტუდენტებს საშუალება ჰქონდათ, დაკვირვებოდნენ ლაზერული მჭრელისა და 3D პრინტერის მუშაობას.

სრულად
საერთაშორისო კონფერენცია თემაზე "ბერმონაზვნობა აღმოსავლეთსა და დასავლეთში"

სულხან–საბა ორბელიანის სასწავლო უნივერსიტეტი მასპინძლობს 3-დღიან საერთაშორისო კონფერენციას თემაზე "ბერმონაზვნობა აღმოსავლეთსა და დასავლეთში". 

ღონისძიების პროგრამა:
ხუთშაბათი 31.03.2016

სრულად
შეხვედრა დავით კენჭაძესთან

2015 წლის 22 დეკემბერს სულხან-საბა ორბელიანის სასწავლო უნივერსიტეტში ცნობილმა ქოუჩმა და ტრენერმა დავით კენჭაძემ მასტერკლასი ჩაატარა თემაზე „21 რჩევა წარმატებული კარიერისათვის“. მან ისაუბრა ადამიანის იმ პიროვნულ თვისებებზე, რომლებიც საჭიროა ადამიანისათვის წარმატების მისაღწევად. ცალკე აღინიშნა ის სამი ყველაზე მანკიერი თვისება, რომლებიც ხელს გვიშლის წინსვლაში, ესენია: სიზარმაცე, შიში და ნებისყოფის არქონა. ტრენერმა ასევე ისაუბრა მენეჯერის თვისებებზე, რომლებიც საჭიროა ხელმძღვანელისათვის, იმისათვის რომ კოპმანია იყოს წარმატებული. მან ხაზი გაუსვა განათლების ფაქტორს წარმატების გზაზე და დამსწრე საზოგადოებას მოუწოდა მუდმივი სწავლისაკენ, ვინაიდან, სწორედ სწავლა,საკუთარ თავზე გამუდმებით მუშაობა მოუტანს ადამიანს უდიდეს წარმატებას ცხოვრებაში.
„იმისათვის რომ გახდეთ თქვენი საქმის პროფესიონალი, საშუალოდ დაგჭირდებათ შვიდწლიანი ინტენსიური მუშაობა“ - დაასრულა ტრენინგი კენჭაძემ.
დავით კენჭაძე არის ბიზნეს კონსულტანტი, ქოუჩი, ტრენერი და საკონსულტაციო ჯგუფის გენერალური დირექტორი. მისი კომპანიის მიზანია, დაეხმაროს ადამიანებსა და კომპანიებს მიზნების მიღწევაში. დავითმა კარიერის განმავლობაში კონსულტაცია გაუწია 100-ზე მეტ კომპანიას და 150 000-ზე მეტ ადამიანს.

სრულად
კონფერენცია თემაზე „ცენტრალური და აღმოსავლეთ ევროპის ქვეყნების საგადასახადო სისტემის გამოცდილება და პრობლემები ევროპულ საგადასახადო სისტემასთან მორგების კონტექსტში“

2015 წლის 19-21 ნოემბერს სულხან–საბა ორბელიანის სასწავლო უნივერსიტეტის დელეგაცია ვიზიტით იმყოფებოდა ლუბლინის უნივერსიტეტში, სადაც 19-20 ნოემბერს გაიმართა საერთაშორისო კონფერენცია თემაზე „ცენტრალური და აღმოსავლეთ ევროპის ქვეყნების საგადასახადო სისტემის გამოცდილება და პრობლემები ევროპულ საგადასახადო სისტემასთან მორგების კონტექსტში“. კონფერენციის დასასრულს აღმოსავლეთ ევროპის უნივერსიტეტის ქსელის წევრმა უნივერსიტეტებმა ხელი მოეწერა თანამშრომლობის მემორანდუმს, რომელიც ითვალისწინებს სამართლის სფეროში თანამშრომლობას, ერთობლივ პროექტებსა და ღონისძიებებს. სულხან–საბა ორბელიანის სასწავლო უნივერსიტეტის მხრიდან მემორანდუმს ხელი მოაწერა უნივერსიტეტის რექტორმა, ბ–ნმა ვაჟა ვარდიძემ. სულხან–საბა ორბელიანის სასწავლო უნივერსიტეტის გარდა მემორანდუმის ხელმომწერი უნივერსიტეტები არიან: ჩეხეთის, სლოვაკეთის , უნგრეთისა და პოლონეთის უნივერსიტეტები, რომლებსაც მალე შეუერთდებიან რუმინეთისა და ბალკანეთის ქვეყნების უნივერსიტეტები.
აღმოსავლეთ ევროპის უნივერსიტეტების ქსელი 2014 წელს ჩამოყალიბდა. ქსელის წევრი უნივერსიტეტების ერთობლივი პროექტი დაფინანსდა ერასმუს+ ის გრანტით, რომლის ფარგლებში 2015-2016 წლის საგაზაფხულო სემესტრში ჩვენი უნივერსიტეტიდან ორი სტუდენტი გაემგზავრება ერთი სემესტრით ლუბლინის უნივერსიტეტში. ამავე სემესტრში თბილისში სტუმრად ჩამოვლენ მასპინძელი უნივერსიტეტის წარმომადგენლები.

სრულად
ეთნიკური კონფლიქტები პოსტსაბჭოთა სივრცეში და მათი მოგვარების პერსპექტივები

2015 წლის 14 ნოემბერი.

მომხსენებლები:
ირაკლი ალასანია, საქართველოს ყოფილი თავდაცვის მინისტრი და ელჩი გაეროში - ეთნიკური კონფლიქტები პოსტსაბჭოთა სივრცეში და მათი მოგვარების პერსპექტივები
თორნიკე შარაშენიძე, პროფესორი - რუსული იდეოლოგია, გეოპოლიტიკა და მისი შედეგები პოსტსაბჭოთა ეპოქაში.  

სრულად
სახელმწიფოს სოციალური პოლიტიკა და სოციალური რეფორმები

საჯარო ლექციის მომხსენებლები:
ზურაბ ჭიაბერაშვილი, ყოფილი ჯანდაცვის მინისტრი და საქართველოს მუდმივი წარმომადგენელი ევროსაბჭოში; 
გია ნოდია - ყოფილი განათლების მინისტრი და კავკასიის მშვიდობის, დემოკრატიისა და განვითარების ინსტიტუტის ხელმძღვანელი. 

სრულად
კონკურსი - სულხან-საბა ორბელიანის ცხოვრება და მოღვაწეობა

2015 წელს 23 ივნისს, სულხან-საბა ორბელიანის სასწავლო უნივერსიტეტში ჩატარდა სულხან-საბა ორბელიანის ცხოვრებისა და მოღვაწეობისადმი მიძღვნილი კონკურსი, რომელიც სულხან-საბას საზოგადოების ორგანიზებითა და სულხან-საბა ორბელიანის სასწავლო უნივერსიტეტის მხარდაჭერით ჩატარდა.
კონკურსი რამდენიმე ეტაპისაგან შედგებოდა, რომელიც თავის მხრივ სხვადასხვა სახის დავალებებს მოიცავდა, როგორც თეორიულს, ასევე პრაქტიკულს. თეორიული საკითხები კითხვა-პასუხის რეჟიმში მიმდინარეობდა, ხოლო პრაქტიკული საკითხი გულისხმობდა რუქას გასამართლების ინსცენირებას „სიბრძნე სიცრუიდან“. კონკურსში მონაწილეობდა ოთხი უნივერსიტეტი: წმინდა ანდრია პირველწოდებულის სახელობის ქართული უნივერსიტეტი, საქართველოს ტექნიკური უნივერსიტეტი, სამცხე-ჯავახეთის სახელმწიფო უნივერსიტეტი და მასპინძელი, სულხან-საბა ორბელიანის სასწავლო უნივერსიტეტი.
კონკურსის მსვლელობისას გუნდები ღირსეულ კონკურენციას უწევდნენ ერთმანეთს, რომელთა მუშაობასაც აფასებდა სპეციალურად მოწვეული ჟიური. საბოლოო გამარჯვება წილად ხვდა მასპინძელი უნივერსიტეტის სტუდენტებს, ხოლო მეორე ადგილი დაიკავა წმინდა ანდრია პირველწოდებულის სახელობის ქართულმა უნივერსიტეტმა.
სულხან-საბა ორბელიანის სასწავლო უნივერსიტეტის ადმინისტრაცია ულოცავს გამარჯვებულ გუნდს წარმატებას!
გამარჯვებული გუნდის წევრები არიან: გიორგი ლაფერაშვილი, ლევან ფუტკარაძე, თამარ დორეული და მარიამ მახათაძე.

სრულად

რჩეული სიახლეები

სამშაბათი, 11 ივლისი 2017
შაბათი, 17 ივნისი 2017
ორშაბათი, 12 ივნისი 2017
ხუთშაბათი, 01 დეკემბერი 2016
სამშაბათი, 14 მარტი 2017