მიღება
საბაკალავრო პროგრამაზე ჩარიცხვა და სტუდენტის სტატუსის მინიჭება ხდება ერთიანი ეროვნული გამოცდების ჩაბარების შედეგად, აბიტურიენტთა რანჟირების შესაბამისი დოკუმენტის საფუძველზე.
სტუდენტის სტატუსის მოსაპოვებლად აბიტურიენტმა უნდა გაიაროს პირველადი რეგისტრაცია, რომელიც მიმდინარეობს სწავლის დაწყებამდე, რექტორის აქტით დადგენილ ვადებში.
რეგისტრაციის დროს აპლიკანტმა უნივერსიტეტში უნდა წარმოადგინოს შემდეგი დოკუმენტები:
- განცხადება რექტორის სახელზე (ფორმას სტუდენტი იღებს უნივერსიტეტში);
- პირველი სასწავლო წლის სწავლის საფასურის გადახდის დამადასტურებელი ქვითარი (უნივერსიტეტის საბანკო რეკვიზიტი შეგიძლიათ იხილოთ აქ);
- სრული/ზოგადი განათლების დამადასტურებელი დოკუმენტის (შესაბამისი განათლების სხვა ქვეყნის საგანმანათლებლო დაწესებულებაში მიღების შემთხვევაში - განათლების ხარისხის განვითარების ეროვნული ცენტრის მიერ გაცემული განათლების აღიარების დოკუმენტის) დედანი და ასლი;
- პირადობის დამადასტურებელი მოწმობის ან პასპორტის ასლი დედნის წარმოდგენით;
- 2 ნაბეჭდი ფოტოსურათი ზომით 3X4 და ფოტოსურათის ელექტრონული ვერსია CD-ზე;
- სამხედრო აღრიცხვაზე ყოფნის დამადასტურებელი დოკუმენტის დედანი და ასლი (სახმედრო აღრიცხვას დაქვემდებარებულმა პირებმა, საქართველოს მოქალაქეებმა);
- შევსებული სპეციალური განაცხადი-აპლიკაცია, (ფორმაშეგიძლიათ მიიღოთ უნივერსიტეტში ან/და ჩამოტვირთოთ);
- - სხვა დოკუმენტი (თუ ასეთის წარდგენის ვალდებულებას ითვალისწინებს საბაკალავრო საგანმანათლებლო პროგრამა ან/და მიმდინარე კანონმდებლობა).